na'iman (نَعِماً)

Ferie ferie!

2005-12-07T18:11:00.000+02:00

No har eg levert utkast til tredje kapittel (av fem) til masteroppgåva mi til rettleiaren min, endeleg! So no er eg ferdig med det eg skulle gjera her nede, so no kan eg ha berre ferie ferie i ei veke før me reiser

Eg og tarjei skal ein tur til luxor og sjå på turistting, og elles må me sjå kva me rekk av ting me ikkje har gjort enno i Kairo, og so kjøpa presangar og seia hadet bra til folk og drikka kaffi og so -poff - plutseleg er me attende på skrivarloftet att

Ja, sånn kan det gå.

Jakta på nettet, illustrert utgåve

2005-12-01T09:32:00.000+02:00

Her kjem bileta eg lova frå "jakta på nettet".

Jakta på nettet

2005-11-20T23:57:00.000+02:00

Etter at me hadde drukke 164 koppar kaffi på den lokale kaféen som hadde trådlaust nettverk, installerte ein av naboane våre trådlaust nettverk. Lukka var stor då me oppdaga eit ope, trådlaust nett med det innbydande namnet "default" ein dag me sat heime og arbeidde. Frustrasjonen vart tilsvarande då det brått forsvann. Dette utløyste hektisk aktivitet for å finna ein stad i husværet der me kunne få kontakt med omverda. I sofaen? På altanen? Til slutt fann me ut at det verka om me stod i gangen og heldt maskinene 1,5 meter over golvet! Gudrun og Ingrid demonstrerer.

Dessutan har me oppdaga Skype, som let oss ringja gratis over Internettet. Så langt har me ringt og snakka med med gamle vener frå Australia til Nederland. Stort sett berre der, så andre gamle vener er òg velkomne til å ta kontakt.

(bileta kjem i morgon)

Fayrouz

2005-11-19T17:38:00.000+02:00

Så, noko som er bra med Egypt.

Då eg kom ned hit, var eg sterkt avhengig av [Coca] Cola. Ja, det er vel slikt som ein ikkje skal vedgå, men eg drakk faktisk gjerne 2-3 halvlitre med Cola kvar dag. Særleg på jobb, når eg var stressa. No er eg heilt avvent, og berre tanken på det sursøte klisset gjer meg kvalm! Det trur eg har to årsaker.

For det første er det Pepsi (/bebsi/) som er det store her. Som kjent smakar det kvalmande søtt og ikkje så surt som Cola. Etter ein månad var eg faktisk dritlei.
Det lokale sukkervatnet, Fayrouz, er fantastisk godt og smakar som ei blanding av Shio («en bedre og mer naturlig brus») og frukt-øl (det er laga med malt, men det er ikkje øl). Dessutan er det god nasseristisk politikk å boikotta amerikansk brus til fordel for eigne import-subsititutt.

Infrastruktur

2005-11-19T17:36:00.000+02:00

Litt meir om Egypt, og ville spekulasjonar denne gongen. Ha i bakhovudet at Egypt er eit fattig land, men likevel.

På mange måtar løyser ein mange problem kollektivt her nede, og alle har mange sosiale nettverk for å ordna ting. Alle har ein onkel som kan fiksa problem som måtte dukka opp. Når det kjem til kommunikasjons-infrastruktur, derimot, er ting litt annleis.

Først, telefon. I følgje CIA World Factbook har Egypt 8,5 millionar mobilbrukarar, og 9,5 millionar fastliner. Lite i høve til Noreg, kanskje, og høvestalet mobil/fastline er omlag likt. Likevel har «alle» (eg kan sjå) her nede mobiltelefon, og dei funkar like bra som heime. Sjølv om me har hustelefon der me bur, kan kanskje dette biletet illustrera standarden på fastlinene.

Dinest, parabol. Her har eg ikkje tal, men det er ganske vanleg med parabol her. Sikkert fordi det ikkje er så mange fjell TV-mastene kan stå på. Eit bilete frå taket av nabohuset kan sikkert illustrera. Ei ordning med felles parabol (eller kabel-TV) har tydelegvis ikkje slått heilt gjennom.

marknad

2005-11-19T17:35:00.000+02:00

I dag har eg og Gudrun og Cecilie vore i Khan el Khalili, eit kjempestort (turist) marked her i Kairo. Når eg var der fyrste gongen syntest eg det var kjempeslitsomt, alle roper og vil ha oss til å sjå på ting. Men i dag var det fint, for me klarte å oversjå alle som ropte til oss og heller sjå på tinga. Me fann mange flotte ting, eg kjøpte eit fantastisk rosa smykke, me har kjøpt pene sjal, sett på glass og lamper.

Sist veke var eg også på marknaden med Kai og Torstein. Då var me meir i dei delane av marknaden der folk lagar ting. Dei sit og hamrer på kjeler og bord av blikk, lager ting av tre og masse anna fint. Og fleire plassar sel dei tøy, kamelføter, innvollar og andre nyttige ting.

Julegaveønsker anyone?

Heliopolis

2005-11-15T12:23:00.000+02:00

Litt utanfor sentrum av Kairo ligg Heliopolis, ein veldig vakker bydel som vart bygd av engelskmennene kring førre hundreårskifte, i sandstein og orientalistisk stil, med breie gater og god plass. Og så har dei trikk der. Me hadde ein ekskursjon, og her er nokre bilete.

Meir om å vera norsk i Kairo

2005-11-12T12:21:00.000+02:00

Så er me kanskje ikkje så flinke til å skriva heim om alt som skjer, men heldigvis har me andre norske studentar her nede som er flinkare. Under burkaen (تحت البرقة) er veldig fin.

Dyr i skogen

2005-11-09T15:23:00.000+02:00

ml-LTLD tilbakeviser alle påstandar om noko som helst samband mellom vårt program og praksis og desse hendingane: do-øgle og valdtektsulv

Operasjonsutvalet

Framlegg til fråsegn

2005-11-09T10:30:00.000+02:00

Ml-gruppa Lysande Tiger Løynd Drage har vedteke å koma våre norske kameratar til unnsetnad vedrørande sannsynlege sosialismevisjonar, som det vart røkt etter i avisa Klassekampen.

Matematikkutvalet i ml-LTLD har no rekna ut sannsynet for dei ulike sosialismevisjonane, men resultata er ikkje til studnad for folkets kamp, og difor graderte inntil vidare.

Eit problem i arbeidet var mellom anna at det var vanskeleg å finna ut om det var signifikant skilnad i sannsynlegheita for dei ulike alternativa.

Eitt resultat vert likevel nedgradert: Ein visjon merkte seg ut som overveldande sannsynleg, visjonen om «(eit) Sosialistisk Venstreparti i regjering». Matematikkutvalet startar no på arbeidet med å rekna ut ønskjelegheita av denne.

Inntil vidare ynskjer me våre norske kameratar god tur.

Sentralkomiteen,
statistisk utval

Bilete

2005-10-22T15:26:00.000+02:00

Det har vore stor etterspurnad etter bilete her, så her kjem nokre. Fleire er på veg.

Saqqara: Me har ikkje brukt så mykje tid på å vera turistar, men her står me altså framføre ein av dei eldste pyramidane i verda. Han ser ut som nokre steinar som er røyst saman.

Bilete frå 25-årsdagen til Ingrid, med Ingrid og dei danske jentene på skulen

Før festen: Mass (på ferie), Ingrid, Gudrun og Tarjei.

Sverige

2005-10-19T17:34:00.000+02:00

I dag var ein fin dag på skulen, for i dag har eg lært noko om Sverige, og tilstanden hjå kultureliten der.

I dag snakka eg nemleg med ein som heiter Olof (som ser ut som den ukjende tvillingbroren til Håvard Tangen, eg og Tarjei snakkar ofte med han for å dempa heimlengten. Heldigvis kan han om lag like mykje om alt mogleg som Håvard, so det er artig og), om ei svensk bok: "För herr Bachmanns broschyr". Boka handlar om ein mann sitt hat til sverige, og er ganske artig. Eg vil tilrå boka.

Men so tenkte eg på kven som kunne skrive ei slik bok om kor ein hata det sjellause, sjølvgode og provinsielle ved Noreg, og fann ut at det var store deler av den urbane kultureliten. Altso, om ei slik bok kom i Noreg, hadde ho ikkje vore serleg nyskapande på noko vis.

Men so då spurde eg min ven Olof, om det var slik i Sverige, at det var vanleg for kultureliten å hata Sverige. Men då sa han at i Sverige er kultureliten (og alle andre) lojale mot Sverige, og det offentlege ordskiftet prega av semje om kor bra sverige er, og at forfattaren av boka, Carl-Johan Vallgren, nok står ganske åleine med kritikken sin.

So snakka med litt om skilnadene på norsk og svensk historie, som gjer det forklarleg at eliten i Noreg er negative til det norske medan den svenske eliten er lojal. Det eg lurer på er om han olof verkeleg talar heilt sant, og om sverige er so samstemd. Det er i so fall interessant.

Difor lurte eg på om nokon visste noko om det. Magnus, du veit jo mykje om svenske opposisjonelle. Endre Otto, du verkar ikkje som du har so utruleg mykje å halda på med, du kunne kanskje lesa boka og gjera deg opp ei meining. Eller andre. Kva trur de om den svenske kultureliten i høve til den norske?

Gudrun

bilete

2005-10-16T14:55:00.000+02:00

berre ei melding om at no kjem det truleg snart bilete her. No har me hatt fest og besøk og foreldre med meir her, og dette har ført til at det har vorte teke bilete. Vonleg får de sjå nokre av dei med tida.

Gudrun

meir sensur

2005-10-09T20:35:00.000+02:00

Eg var endeleg paa AUC (det amerikanske universitetet i Kairo) sin eminente bokhandel i sentrum, og skulle kjoepa ei bok eg hadde faatt anbefalt av ein dansk professor eg har tatt arabiskkurs med her. Og eg visste at boka (om islamistisk mobilisering av Quintan Wiktorowicz) fanst i bokhandelen, for filialen her paa Zamalek hadde sagt det. Men ekspeditoeren leita og leita, og til slutt sa han at boka var sensurert, men han skulle undersoeka meir og ringa meg viss han finn ut noko...

Sidan eg foerst er i gang med aa klaga over sensur: dei filmkanalane me har sender fraa Gulfen dvs Dubai og saann. Og dei sender ein del amerikanske filmar som er kjekke aa sjaa paa. Men ein blir jo litt skuffa naar mesteparten av handlinga er klypt bort paa grunn av useomd. Til doemes varte Pulp Fiction i berre tre kvarter... Men det gjev jo litt ekstra spaning i film-sjaainga daa, ein kan sitta aa gjetta paa om noko hende, eller om det berre er daarleg klypping. Men visse personar i husstanden vaar trives med at det er saapassa moralsk, sidan det er dei scenene han synst er mest pinlege som blir klypt bort...

nettsensur?

2005-10-03T18:45:00.000+02:00

Paa denne maskina faar eg ikkje opp favorittteikneserien min paa nett: Dykes to watch out for. Det har ikkje hendt foer. Og nederst paa skjermen staar det eit auge med eit innkjoering forbudt skilt over og privacy report.

Saa eg nyttar sjansen til aa reklamera for teikneserien som veldig faa andre eg kjenner likar: Dykes to watch out for handlar om ein gjeng lesber/feministar/radikalarar osv som bur i usa, og livet deira. Ein kan lesa striper heilt tilbake til 80-talet i arkivet, men eg har ogsaa teikneserien i papirform. Dei kommenterer verdshendingar som krigen mot irak fraa deira synspunkt, men eg har ogsaa blitt glad i dei og folegjer dei gjennom floerting, skilsmisser, barnefoedsler osv. Haaper eg faar til aa fortsetta aa lesa han paa andre maskiner, for blir oppdatert nesten vekentleg, og trist aa gaa glipp av det saa lenge.

Naar det gjeld nettsensur i Egypt er det sikkert ikkje saa ille, men paa mange nettkafear blir ein aatvara om at ein ikkje kan gaa paa sider med politisk, seksuell eller religioes innhald...

Lysande Tiger, Løynd Drage

2005-09-25T12:19:00.000+03:00

Me merkjer oss at det ikkje er kome kommentarar til at LTLD-ml har avslørt borgarskapen sitt rotne spel og lumske taktikkeri i samband med valet i Noreg. Tyder denne forteiingsstrategien at me har treft spikaren på hovudet?

Førebels står me fast og heilt på Arbeiderpartiet sitt program frå 1922, og Norsk Målungdom sitt "Program for ei nasjonal framtid".

Operasjonsutvalet

2005-09-15T12:17:00.000+03:00

Dette er ein artikkel eg skreiv som stod på trykk (litt redigert) 7. september i avisa Klassekampen.

Presidentval i Egypt

I dag skjer det første valet der egyptarane kan velja mellom fleire enn ein presidentkandidat. Alle vala på president sidan revolusjonen i 1952 har vore folkerøystingar, der nasjonalforsamlinga har foreslått ein kandidat og folket har sagt ja til kandidaten.

Denne våren har det vore mange demonstrasjonar mot president Hosni Mubarak og for endring, og endringa i vallov som gjorde det mogleg med fleire kandidatar kan sjåast som ein reaksjon på dette. Opposisjonen har likevel vore skeptisk til grunnlovsendringa, og fleire har oppfordra til boikott. Endringa av vallov skjedde i løpet av nokre veker, etter initiativ frå presidenten, og opposisjonen stoler ikkje på intensjonane til forslagsstillaren. Det er fleire forhold som gjer at delar av opposisjonen ser på dette valet som like udemokratisk som folkerøystingane: Reglane for å stilla som kandidat er veldig strenge, det har vore uklart om det kom til å vera nøytrale observatørar, og den korte perioden mellom grunnlovsendringa og valet har gjort det vanskeleg å ha ein skikkeleg valkamp. I valet i år får kandidatar frå alle godkjende parti stilla, men regelen seinare skal vera at partia må ha minst 5 prosent oppslutning i parlamentet, langt over det noko opposisjonsparti har no. For å stilla som uavhengig kandidat krev reglane støtte frå 65 parlamentsmedlemmer, i tillegg til 185 andre folkevalde. NDP har 388 av 444 valde plassar i parlamentet, i tillegg til overveldande majoritet i både Majlis al-Shura (overhuset), og lokalforsamlingar. Grunnlovsendringa blei bekrefta gjennom ei folkerøysting, og det er også usemje om denne gjekk riktig for seg, offisielle deltakartal er på 53 % av registrerte røystarar, mens dommarforeninga anslår deltakartalet til 3 % (Al Ahram Weekly).

Det har vore usemje i dommarforeninga om dei skal vera observatørar til valet, og dermed legitimera det. Domarforeninga har ikkje fått innfridd krav om å redusera talet på valstasjonar og auka røysteperioden for å på den måten kunna ha nok folk til jobben. På eit møte fredag avgjorde dei likevel at dei skal overvaka valet, men fleire av dei kritiske dommarane blir bedt om å halda seg heime (Cairo Magazine).

Dei fleste, både folk på gata og aviskommentatorar, reknar med at president Hosni Mubarak kjem til å vinna dette valet. Det er ti kandidatar som stiller, dei viktigaste i tillegg til Mubarak er Ayman Nour frå det nystarta al-Ghad (i morgon) Partiet, og Nomaan Gomaa frå det liberale al-Wafd Partiet. Den politiske plattforma til al-Ghad og al-Wafd er ganske like, då al-Ghad er ein utløpar frå Al-Wafd. Men Ayman Nour, med sine 41 år, framstår som den unge ærgjerrige og visjonære motstandaren til Mubarak. Nour har mellom anna lova å berre styra i ein overgangsperiode på to år, og deretter skriva ut nyval. I denne perioden skal han utnemna ei koalisjonsregjering, oppheva unntakslovene og skriva ein ny konstitusjon.

Gatebiletet i Kairo er prega av plakatar av presidenten, og også handmala banner som privatpersonar og organisasjonar har hengt opp. Ein ser ein og annan plakat for dei andre kandidatane, men det er ikkje mange. Mediebiletet har også vore prega av Mubarak, sjølv om dei andre kandidatane har fått litt tid i dei offisielle kanalane. Det er vanskeleg å framstå som eit reelt alternativ for dei andre kandidatane med dei store materielle forskjellane og den korte tida valkampen har vart. I tillegg reknar ein med at det kjem til å føregå valfusk i område Mubarak ikkje står så sterkt.

Det er fleire parti som kunne ha stilt kandidat til valet som boikottar valet, fordi dei meiner det er eit skinnval. Det sosialistiske Tagammo’ partiet er eit eksempel, det islamistiske Hizb al Amal eit anna. Den egyptiske rørsla for forandring, betre kjent som Kifaya, har oppfordra til boikott. Kifaya er ei rørsle som består av venstresidefolk, nasseristar, liberalarar, islamistar med meir. Den Muslimske Brorskapen kan ikkje stilla fordi dei er forbodne, men har bestemt seg for å ikkje boikotta, men heller ikkje å offisielt støtta ein av kandidatane.

Endringa av valloven har skjedd etter at både Kifaya og Brorskapen har demonstrert for endring i vår. Men endringa kan også sjåast på som ein styrkemarkering frå presidenten, ein måte å utnytta svakheita til opposisjonen, og lata som om det er eit reelt val i staden for å tvinga folk til å røysta.

Abdel Halim Kandil, talsperson for Kifaya avviser dette:

-Opposisjonen i Egypt er ikkje sterk, men me blir sterkare. Men er regjeringa sterk? Nei, det er ei sårbar regjering som er avhengig av tryggleigspolitiet og batongar. Dette har gjort oss pessimistiske, men me ser no eit folk som går frå pessimisme til håp. Dette regimet kjem etter mi meining ikkje til å ha makta i meir enn to år framover. Viss regimet var sterkt ville det ha gitt folket eit reelt val, og latt dommarane overvaka valet på ein skikkeleg måte.

Kifaya organiserte fredag demonstrasjon for å oppfordra den egyptiske dommarforeninga til å ikkje overvaka valet. Det deltok nokon hundre aktivistar i demonstrasjonen, men politioppbodet var det mangedoble, og nye forsterkingar kom jamnleg. Resultatet frå dommarmøtet var som forventa for Kifaya-aktivistar, som forklarte det dårlege oppmøtet i demonstrasjonen med at utfallet på dommarmøtet allereie var klart. Men Kifaya lovar ny demonstrasjon i dag i Kairo sentrum på Tahrir-plassen, og det er venta at denne demonstrasjonen blir større. Demonstrasjonen mot folkerøystinga 25. mai, og demonstrasjonen mot Mubarak 30. juli endte begge valdsamt for Kifaya-aktivistar, dei blei innringa av politiet og banka opp av mobb med batongar. Demonstrasjonen i dag kan godt enda på same måten.

2005-09-13T22:06:00.000+03:00

valfusk

etter det stusslege valresultatet heime i Noreg, har nokon av oss skipa ml-gruppa Lysande Tiger, Loeynd Drage.
Her er vaar analyse av Stortingsvalet i Noreg:

Valfusk. Det undrar oss at ingen har drege dei naturlege konklusjonane av det store spriket mellom valdagsmaalinga for partiet RV og det valresultatet som vart vist paa statskanalen. Dei internasjonale roeynslene gruppa har samla, tilseier at det er naturleg aa stilla det for hoegresida og statsmakta ubehagelege spoersmaalet om valfusk. ml-gruppa Lysande Tiger, Loeynd Drage tek bladet fraa munnen og talar hoegt og klaart der andre teier. Dette er utfordringa fraa ml-gruppa Lysande Tiger, Loeynd Lrage til vaare systrer og broer i Noreg: Me maa slutta aa prata tull, og stilla spoersmaala som ikkje vert stilte.

Kairo, 13. september 2005
ml-gruppa Lysande Tiger, Loeynd Drage
operasjonsutvalet

2005-09-10T15:50:00.000+03:00

mat i Egypt

Eg har tidlegare klaga litt paa egyptisk matlaging, men me har funne mange plassar med god mat. Men saa lever jo dei rike godt... (paa dyre restaurantar kostar hovudrett ca 50 kr, og daa er ein paa verkeleg dyr restaurant).

Og me klarer ogsaa aa laga god mat heime, her er eit bilete av ein forrett me laga: basterma (egyptisk spekekjoet) med mango og melon. Me bur jo standsmessig (jf bilete av stua), og proever aa eta standsmessig ogsaa...

Me er rike: t.d las eg ei spoerreundersoeking i eit magasin, der ein skulle sei kva inntektsgruppe ein er i. Den hoegaste var at ein tente over 5000 egyptiske pund i maanaden (tilsvaer litt over 5000 NOK), og det er under det me faar av laanekassa i maanaden. I Noreg ville vel hoegaste inntektsgruppe vera over 350 000 eller over 500 000 i aaret i sanne undersoekingar?

Men er veldig merkeleg aa vera kjemperik. Me bur betre enn me nokon gong kjem til aa gjera i Noreg, me kan eta paa dei finaste restaurantane nesten kvar dag utan aa merka det paa lommeboka. Men me er vel ikkje her lenge nok til aa ta skade av det...

2005-09-10T15:41:00.000+03:00

gekkoen

Me har proevd lenge aa fatt tatt bilete av ein av gekkoane som bur utfor leiligheten. Naar me kjem heim om kvelden spring dei ofte rundt i leiligheten. For eit par dagar sidan klarte Tarjei endeleg aa ta bilete av ein av dei minste. Er han ikkje fin?

2005-08-31T19:48:00.000+03:00

Kvar bur me? Eg har brukt Google Maps for å gje eit lite inntrykk, så kan de zooma ut og inn slik de vil.

Huset me bur i ligg om lag midt på dette biletet, på eit hjørne der vegen svingar litt mot venstre (nord for den breie vegen (26. juli-gata) som går aust-vest).

Skulen vår, ILI ligg om lag midt på dette biletet, i ei sidegate til venstre for den breie avenyen (Ahmed Orabi-gata) som går nord-vest.

Oversiktskart, der eg har zooma litt ut. De ser skulen mot venstre, og huset vårt til høgre. Det tek om lag 35 min å gå mellom dei.

2005-08-31T19:11:00.000+03:00

Mogamma

Tidlegare denne veka var me på Mogamma. Det er ei stor bygning midt i Kairo der det meste av offentleg byråkrati er samla, og me måtte dit for å forlengja visaa våre. På ambassaden i Noreg fekk me nemleg berre visa for ein månad, og me skal som kjent vera her heilt fram til jol.

Skildringane av Mogamma plar vera sterkt inspirerte av Franz Kafka. Slik var fyrsteinntrykket vårt og. Me gjekk i kø gjennom mange lange korridorar, og såg inn på byråkratar som førde opplysningar inn i store protokollbøker bak kontordør etter kontordør. For oss var det likevel ikkje vanskeleg å få visa. Me måtte berre gå i tre-fire luker etter tur for å få skjema, frimerke og til slutt stempel i passa, og det heile gjekk smertefritt. Det berre tok ein dag.

Når ein tenkjer på den lange køen utanføre Politiets utlendingskontor (eller noko slikt) i Oslo, der folk som stiller seg i kø tidleg om morgonen med langt mindre von om suksess enn de me hadde, er ein freista til å beundra det egyptiske byråkratiet. Eller hugsa på at alt er lettare når du er kvit, norsk og rik - same kvar du er i verda.

Me turde ikkje ta bilete av Mogamma, men det finst heldigvis bilete av huset på Internet.

2005-08-28T15:32:00.000+03:00

Skyttarklubb og Valgerd

No har eg endeleg vore paa ein Shooting Club, i Alexandria. Desse jaktklubbane opptar dei flottaste omraada i Egypt, til doemes er store deler av Mohandesin oppteken av ein saann klubb trur eg. Og faktisk saa skyt dei der ogsaa! Dei hadde leirduekonkurranse, der mennene skoeyt paa tur.

Ellers har eg maatta diskutera at Noreg er det beste landet aa bu i osv. Og sjokket blei stort daa eg gjekk paa nettavisen og saag at Valgerd hadde klina til igjen bokstaveleg tala! Eg syns jo det er kjempekult, men kva skal eg seia daa, i eit land med store skilnadar materielt, og der dei fleste kvinnene gaar med sjal, at der eg kjem fraa jobber me ogsaa politisk for at folk flest skal faa det materielt betre, og jobbar for seksuell frigjering, naar den tidlegare leiaren for kristenfundamentalistpartiet driv og kliner med damer offentleg? Det virker jo litt meir tullete det me driv paa med sett i den samanhengen...

Verda staar ikkje til paaske.

2005-08-24T21:39:00.000+03:00

Ting kjem tilbake...

Egyptarar er snille og aerlege. Eg veit ikkje om dei berre er det av seg sjoelv, eller om dei har strenge straffar og er redde og saann, eg trur det er mest det foerste, men det er i alle fall bra for oss gloemske nordmenn at alt me gloeymer kjem tilbake.

Det som har kome tilbake til no:
- Loneley Planet boka mi (la ho igjen paa ein kafe)
- toalettveska til tarjei (han holdt paa aa legga han igjen i ein taxi)
- kofferten til Gudrun (dette var den stoerste krisa, me gloeymde kofferten i taxien naar me skulle flytta alle tinga vaare fraa hotellet til den nye leiligheten. Det blei saa mykje staak, gutane som jobber/heng i oppgangen starta aa bera alt inn i heisen og saann, og i alt styret gloeymde me kofferten i bagasjerommet. Me meldte det til politiet, og saa fraa til doervakta, og snart visste baade huseigaren og leilighetsagenten og mange andre det, og dagen etter kom kofferten tilbake med ein litt irritert taxisjaafoer.)

Ellers har eg hoeyrd fraa andre paa skulen som har lagt igjen pass i kopimaskin og fleire andre historier, og alt kjem tilbake. Det er fint.

Ingrid.

2005-08-24T21:32:00.000+03:00

Kjaeledyr

Me har ein liten, gul gekko som bur paa altanen vaar og av og til kjem fram naar det er moerkt. Han er veldig fin. Me skal proeva aa ta bilete av han, men daa maa han jo koma fram fyrst. Eg har hoeyrt at nar dei er store, staar dei ute og fyller opp kroppen med luft og ropar "gekko gekko gekko" heile natta so folk ikkje faar sova. Men vaar er berre liten og snill. Eg lurer paa om det var gekkoskit eller berre vanleg museskit eg fann i ei av boskorgene paa vaskerommet?

Framhald fylgjer

Gudrun

2005-08-21T13:02:00.000+03:00

Eg har faatt meg nytt digitalt kamera, og det proever me litt ut. Her er bilete fraa stova vaar, og utsikt om natta og om dagen fraa verandaene.

Ingrid.

2005-08-20T16:59:00.000+03:00

og dessutan har ingrid kamera, so etter kvart faar de og sjaa kor fint det er her

Gudrun

2005-08-20T16:39:00.000+03:00

Naiman, som bloggen heiter, er det ein seier paa egyptisk dialekt til nokon som kjem frisk og rein og nybarbert ut av dusjen. Det er liksom fresh og rein og fin, inkludert barbert.

No har me vore her i kairo i nesten ei veke, og byrjar aa verta vande med det. Me har byrja paa skule paa ILI - International Language Institute. Det er fint. Eg gaar i pre-klassen, der er det ca 15 stykke fraa sverige, USA, Tyskland, Japan, Sveits, Frankrike... alle jentene har tynne, tynne finsandalar og glatte legger og reine taer og velpleidde negler. Naiman. Eg trur ikkje dei gaar til skulen. Me har ein halvtimes skuleveg. Det er veldig fint, men ein vert varm og sveitt og skiten paa foetene. Kanskje eg skal proeva aa faa tak i ein sykkel.

No h ar eg laert meg alle bokstavane og tala opp til ti, og kan lesa og skriva litt arabisk. Det er som aa vera seks aar att, naar ein maa proeva aa tvinga handa aa gjera den rette, nesten umoglege, roersla for aa faa fram det teiknet ein vil skriva paa papiret. Eg hugsar kor eg sleit med aa skriva fine femtal..

Bla bla, vonar alle har det fint og at me faar nokre besoek etter kvart

I love you.

Gudrun

2005-08-20T16:38:00.000+03:00

Hei!

No er me endeleg til stades i Kairo, etter å ha snakka om denne turen i eit halvår. Me bur på Zamalek, ei øy midt i Nilen som på mange måtar er den grøne lunga til Kairo.

Adressa vår er 2 Taha Hussein Street, Zamalek, men me veit ikkje heilt kva post-adressa er enno. Det skal me finna ut. Dersom du er i området, er du hjarteleg velkomen på vitjing.